- Tíðindi, mentan og ítróttur
Fara at raðfesta screening fyri tarmkrabba heima við hús
![](https://kvf.fo/sites/default/files/styles/grein-ovasta-mynd/public/vlcsnap-2023-01-02-11h17m31s540.png?itok=iPF4phcw)
Sum er, hava vit onki tilboð um screening fyri tarmkrabba heima við hús, hóast tað í ársfrágreiðingini hjá Krabbameinsfelagnum fyri 2021 stendur, at flestir tilburðir av krabbameini í Føroyum í tíðarskeiðinum 2017-2019 eru funnir í langa og endatarmi.
Hetta er helst eitt tilboð, sum verður raðfest í næstum, sigur Margit Stórá, landsstýriskvinna í heilsumálum, sum hevur biðið Krabbameinsráðið um lista yvir, hvørji krabbameinsátøk skulu raðfestast.
69 tilmæli eru í krabbameinsætlanini frá í fjør, sum Krabbameinsráðið skal raðfesta ímillum.
Screening fyri tarmkrabba heima við hús er millum tilmælini í bæði krabbameinsætlanini fyri 2009 og frágreiðingini, sum bleiv gjørd í fjør.
Hoyr innslag í útvarpstíðindunum: