- Tíðindi, mentan og ítróttur
Vandi fyri ridluskriða forðar fyri at endurvinna matleivdir
Vandi fyri ridluskriða forðar fyri at endurvinna matleivdir
Landsdjóralæknin sigur, at ridluskriði er í trimum oyggjum í landinum, og helst aðrastaðni við
Nýggj kanning hjá Tórshavnar kommunu vísir, at 55 prosent av húsarhaldsburturkastinum eru matleivdir. (Savnsmynd: Bjarni Árting Rubeksen)
08.03.2023 - 13:34
Vandin fyri ridluskriða ger, at tað í løtuni ikki ber til at endurvinna matleivdir í Føroyum og nýta tað sum sankutøð - kompost.
Tað sigur Birna Mørkøre, landsdjóralækni.
Nýggj kanning hjá Tórshavnar kommunu vísir, at 55 prosent av húsarhaldsburturkastinum eru matleivdir.
Birna Mørkøre er landsdjóralækni.
Brennistøðirnar vilja minka henda partin, millum annað við at gera skipanir at savna inn matleivdir og gera sankutøð, sum millum annað kunnu verða nýtt at taða við, men sum nú er, ber hetta ikki til vegna vandan fyri ridluskriða.
Myndugleikarnir vita, at ridluskriði er í trimum oyggjum í landinum, men helst aðrastaðni eisini.
Hoyr innslag í útvarpstíðindunum:
08032023_Birna_og_ridluskridi
Er kopiera
Nýggjastu sendingar í ÚV
Nýggjastu sendingar í SV
