Gera nýggja diabetesætlan

Karsten Hansen, landsstýrismaður, hevur sett arbeiðsbólk at gera nýggja diabetesheildarætlan

Arbeiðsbólkurin saman við Karsteni Hansen, landsstýrismanni: Kristiana Rein, Durid Johannesen, May-Britt S. Jacobsen, Mariann Patursson, Jens Andreasen, Dánjal Petur Højgaard, Kristianna L. á Lofti (Steen Larsen vantar á myndini.)

Johnsigurd Johannesen

22.10.2012 - 15:07

<div>Nýggj diabetesheildarætlan skal nú gerast fyri Føroyar</div><div><br></div>Karsten Hansen, landsstýrismaður, hevur sett arbeiðsbólk og ein fylgibólk at gera ætlanina. <div><br></div><div>- Galdandi diabetesætlan er frá 2003, og hon var eitt gjøgnumbrot, tí leiðreglur vórðu settar, men tíðin er búgvin at gera eina nýggja heildarætlan, sigur Karsten Hansen.</div><div><br></div><div>Landsstýrismaðurin í heilsumálum sigur, at arbeitt eigur at verða miðvíst við eini tilgongd, har fólk við varandi sjúkum, eitt nú diabetes týpu 2, fáa møguleika at verða lærd at taka ábyrgd av egnari heilsu.</div><div><br></div><div><b>Leggur dent á fyribyrging</b></div><div><br></div><div>Dentur skal leggjast á fyribyrging, soleiðis at tey, sum hava fingið staðfest diabetes týpu 2, kunnu hava so gott lív við sjúkuni, sum til ber. Serliga verður hugsað um at byrgja fyri fylgisjúkum. Tí verður dentur lagdur á at kunna um týdningin av røttum kosti, støðugari rørslu og harvið trivnað í gerandisdegnum.</div><div><br></div><div>Í arbeiðsbólkinum sita: </div><div><br></div><div>Kristiana Rein, Diabetesfelag Føroya, Jens Andresen<b>,</b> umboðandi diabetessjúklingar, Dánjal Petur Højgaard, Læknafelagið, Steen Larsen, Kommunulæknafelagið, Durid Johannesen, Diabetesambulatoriið á Klaksvíkar Sjúkrahúsi, May-Britt S. Jacobsen, Sjúkrarøktarfrøðiskúlin, Mariann Patursson, kostráðgevi, og Kristianna Larsen á Lofti, samskipari í  Heilsumálaráðnum.</div><div><br></div><div><br></div><div><p></p><p></p>