Í dag, 21. mars, er altjóða Down Syndrom dagur. Hann verður hildin um allan heim, og eisini í Føroyum verður nógv gjørt burtur úr. Karmurin er Skúlin við Ósánna í Klaksvík.

Eitt nú hevur eydnast fyriskiparunum at fáa norðmannin, Svein André Hofsø, at koma til landið og halda fyrilestur.

Hann er yrkissjónleikari, sum hevur spælt við í bæði stórum sjónvarpsrøðum og filmum.

Harumframt hongur serstøk myndaframsýning uppi í skúlanum.

Foreldrabólkur hevur skipað fyri, at føroyingar við Dow Syndromi hava verið til myndatøku. 22 fólk hava tikið av møguleikanum, sigur Helena F. Jørmundsson, sum er í bólkinum.

Skráin sæst á hesum leinki.