Føroyskir nýføðingar viga alsamt meira. Tað vísir kanning, sum Sunnvá Hanusardóttir Olsen og onnur hava gjørt av føðivekt hjá føroyskum nýføðingum.

Í 2019 vórðu fleiri børn fødd við eini føðivekt, sum var 4500 gramm ella meira, enn í 2019.

Sambært Dianu Reynstind, sum er serlækni í kvinnusjúku og burðarfrøði, so eru serliga tvær orsøkir til, at nýføðingar í Føroyum viga meira og meira.

- Vit síggja ein samanhang millum vektina hjá mammuni og so vektina hjá barninum. Ein kvinna, sum er yvirvektig, hevur størri sannlíkindi fyri at eiga eitt barn, sum vigar lutfallsliga nógv, enn ein kvinna, sum hevur normalvekt, sigur Diana Reynstind.

Umframt vektina á mammuni, so spælir viðgongutíðin eisini ein leiklut, tá tosað verður um teir tungu nýføðingarnar.

- Her í Føroyum lata vit kvinnurnar ganga 42 vikur, meðan í londunum rundan um okkum, sigur mann týpiskt 40 vikur. Vit vita, at eitt barn kann taka 250 gramm upp á um vikuna, tá mamman gongur longur enn 40 vikur, sigur Diana Reynstind.

Í morgunsendingini fortelur Diana Reynstind um avleiðingarnar av, at nýføðingarnir viga alsamt meira.