Kostar meiri enn 2.800 millardir at byggja Ukraina uppaftur

Tað fer at kosta 411 milliardir dollarar, ella 2.807 milliardir krónur í okkara peningi, at byggja Ukraina uppaftur eftir oyðileggingarnar, sum kríggið hevur elvt til.

Tað vísir dagførda metingin hjá Heimsbankanum, skrivar CNN.

411 milliardir dollarar eru 2,6 ferðir bruttotjóðarúrtøkuna hjá Ukraina í fjør.

135 milliardir dollarar fara til at bøta skaðar, sum millum annað raka bygningar, flutning, orku og ídnaðin.

Størsti skaðin er á hermótinum har eystri í landinum, sum fevnir um Donetsk, Kharkiv og Luhansk.

Í juni í fjør var mett, at tað fór at kosta 349 milliardir dollarar at byggja Ukraina uppaftur.