Í gjárskvøldið hittust øll foreldraráðini  á dagstovnunum í Tórshavnar Kommunu til felags fund. Tað er foreldraráðið í Býlingshúsinum í Maritugøtu, sum hevur kallað øll hini á fund, og orsøkin er, at støðan á dagstovnaøkinum er hættislig og ikki kann góðtakast, siga tey. Endamálið við fundinum var tí at fáa eitt samstarv við onnur foreldraráð.

Høgni Midjord í Stovuni og Barbara Djurhuus, sum eru í foreldraráðnum í Býlingshúsinum í Maritugøtu, eru sera merkt av trotinum, sum er á dagstovnaøkinum í Tórshavnar Kommunu.

- Starvsfólkini eru eitt stutt tíðarskeið, tey eru ov ung og hava ov nógva ábyrgd.

Ymsa staðni er tað so, at eingin námsfrøðingur er í stovuni, tískil eru tað tey ungu hjálparafólkini, sum í nógvum førum standa við ábyrgdini.

Hóast summi eru merkt av hesum, so er tað ikki soleiðis allastaðni. Øll vóru boðin við á fund, eisini tey, sum ikki uppliva trupulleikan.

Tey halda, at tað er umráðandi og gott, at so mong vóru við til fundin. 

- Tað er skjótt, at hetta kann koma fyri hjá øðrum, eisini hjá teimum, ið hava tað gott nú. Tí er tað gott, at vit øll í felag gera vart við trupulleikan, 

Í mong ár hevur ljós verður varpað á hetta, men akkurát hvat tað er, sum skal gerast fyri at loysa trupulleikan, er torført at vita. Men tey vóna, at tað at savna foreldraráðini og rópa hart, kann broyta tað núverandi støðuna.