JFK Trol eigur nú Arctic Viking

JFK Trol hevur í dag keypt rækjutrolaran Arctic Viking frá P/F Líðini í Kollafirði.

Tað skrivar Norðlýsið.

Í september 2021 keypti JFK Trol ein part av P/F Líðini, tí feløgini høvdu felags áhugamál. Líðin og JFK Trol hava síðani samstarvað.

Í dag hevur JFK Trol so yvirtikið skipið frá Líðini.

Skipið fer framvegis at eita Arctic Viking, og tað fer at sigla við somu manning, skrivar Norðlýsið á heimasíðu síni.