Ætla at stríðast sum longst

- Vit ætla at brúka allar møguleikar, vit hava, at kæra til hægri myndugleikar. 

Tað sigur Rósa Heinesen, umboð fyri "Livilig kor á Tvøroyri," nú borgarafundur hevur verið, har alternativt broytingaruppskot um býarætlan var lagt fram, í sambandi við útbyggingarætlanin hjá Varðanum Pelagic á Tvøroyri.

"Livilig kor á Tvøroyri" mælir til at flyta virksemið yvir um fjørðin. 

Hoyr innslag í útvarpstíðindunum:

Tvøroyar býráð samtykti í februar at broyta byggisamtyktina, so Varðin Pelagic kann byggja út.

Uppskotið um broyttu byggisamtyktina skal liggja frammi alment í minsta lagi í tríggjar vikur, so fólk kunnu mótmæla ella koma við broytingaruppskotum í seinasta lagi seks vikur eftir framløguna.

Landsstýrismaðurin í kommunumálum skal góðkenna broytingina.