Mette Frederiksen illa umtókt

Mette Frederiksen hevur fyrr verið væl umtókt sum danskur forsætisráðharri, men nú er myndin broytt.

Fyri fyrstu ferð, síðani hon gjørdist forsætisráðharri í 2019, vísa tøl frá meiningakanningarstovninum, Epinion, at tað nú eru fleiri veljarar, sum halda, at hon klárar seg illa enn væl.

Fyrr hevur tað altíð verið øvugt.

39 prosent halda, at hon klárar seg illa, meðan 32 prosent halda, at hon klárar seg væl.

Hetta er ein nýggjur veruleiki fyri forsætisráðharran. 

Serliga í koronutíðini var hon væl umtókt. Undirtøkan er minkað, og síðan hon skipaði stjórn saman við Vinstra og Moderatunum, hevur bara gingið aftur á hondina.

Somuleiðis er undirtøkan fyri flokki hennara, Javnaðarflokkinum, og stjórnini sum heild eisini fallin.