Verður latin leysur alt fyri eitt

Maðurin, sum gjørdi um seg í Suðuroynni, hevur sitið í fimm mánaðir í varðhaldi, og restin av dóminum verður treytað.

Rætturin feldi í dag dóm í málinum móti 21 ára gamla manninum, sum gjørdi um seg í Suðuroynni í mai.

19.10.2012 - 15:27

<p>Føroya Rættur hevur dømt 21 ára gamla mannin, sum gjørdi um  seg í Suðuroynni 7. mai, hálvt annað ára fongsul, men hann verður latin leysur longu í dag.</p><div><br></div><div>Maðurin hevur sitið í varðhaldi í góðar fimm mánaðir, og teir verða drignir frá revsingini. Tað, sum er eftir av revsingini, verður gjørt treytað, og tí verður maðurin latin leysur beinan vegin. </div><div><br></div><div><b>Rúsdrekkaviðgerð</b></div><div><br></div><div>Hann er dømdur at verða undir eftirliti av Kriminalforsorgini í tvey ár, og skal hesa tíðina bæði í rúsdrekkaviðgerð og í viðgerð hjá sálafrøðingi. Maðurin missir koyrikortið í hálvt fjórða ár, og hann skal gjalda góðar 22.000 krónur til tryggingina fyri skaðan á ein politibil. Eisini skal hann gjalda sakarkostnaðin.</div><div><br></div><div>Maðurin elvdi eisini til stóran skaða á Hotel Øravík, tá hann m.a. setti eld á inni í matstovuni, og í rættinum varð nevnt, at skaðin er umleið tríggjar milliónir kr. </div><div><br></div><div>Rætturin tók ikki støðu til endurgjaldsspurningin í dag. Endurgjaldið skal avgerast í einum sivilum rættarmáli fyri seg.</div><div><br></div><div><b>Meiri verður at frætta í útvarpstíðindunum.</b></div>