- Vit koma tætt uppá men fara eisini heilt út í víðvinkul, fyri at fáa greitt frá filosofiini hjá Sigrun, sigur Marianna Mørkøre, sum er annar av leikstjórunum av filminum, sum kemur heilt nær at listakvinnuni og mátanum hon arbeiðir við sínari list.

- Sigrun hevur verið sera stuttlig at arbeiða saman við, tí at hon hevur ein so stóran áhuga fyri filmi sum listagrein, sjálvt um hon kanska ikki hevur kent so nógv til tað, sigur hin leikstjórin, Beinta á Torkilsheyggi, sum er verdóttir Sigruna. Hetta hevur eisini verið givið neyðuga álitið, tá tær nú komu so nær, sum tær gera í filminum.

Filmurin var frumsýndur á CPH:DOX festivalinum fyrr í vár, har hann fekk sera góða undirtøku og umrøðu. Eisini her heima hevur hann verið væl móttikin, og til ber at síggja hann í Løkshøll í dag, í Salt í morgin og í Mentanarhúsinum í Fuglafirði í ovurmorgin.

Nakrar sýningar afturat koma eisini á skrá í Havnar Bio.