Trump stevnir egnan sakførara

Fyrrverandi amerikanski forsetin Donald Trump hevur stevnt advokati sínum, Michael Cohen, fyri meira enn 500 milliónir dollarar. 

Tað vísa rættarskjøl, sum Reuters-tíðindastovan hevur fingið hendur á.

Fox News skilir, at Trump í stevningini skuldsetur Cohen fyri m.a. at hava brotið trúnaðin millum klient og advokat, og fyri av órøttum at hava forvunnið pening.

Trump er ákærdur fyri m.a. at hava fingið táverandi advokat sín at rindað pornostjørnuni Stormy Daniels 130.000 dollarar fyri at tiga, so hon ikki skuldi almannakunngera søguna um kynsliga samband teirra undan forsetavalinum í 2016. 

Trump skal síðani hava skrivað ein kekk um mánaðin til Cohen, har peningurin í nøkrum førum var tikin av bankakontuni hjá forsetanum sjálvum.

Og tað eru hesir 11 kekkarnir, sum hava stóran týdning í ákæruni. 

Cohen hevur vitnað í málinum, áðrenn Trump var ákærdur.

Trump noktar seg sekan í ákærunum.