Hava innflutt skip og flogfør fyri 1,3 mia. kr.

Bert eina ferð áður hevur innflutningurin í hesum bólkinum verið oman fyri milliardina

Nýggi Airbussurin hjá Atlantsflogi hevur vigað tungt í innflutningstølunum í ár. Flogfarið kom í mars.

18.10.2012 - 16:29

<p>Nýggja Airbus-flogfarið hjá Atlantsflogi vigar tungt í innflutningstølunum fyrstu átta mánaðirnar í ár. Flogfarið kom til landið í mars mánaði. </p><div><br></div><div>Frá januar til august varð innflutt fyri tilsamans 4,7 milliardir krónur. Av hesum eru skip og flogfør 1,3 milliardir. Bert eina ferð áður hevur innflutningurin í hesum bólkinum verið oman fyri milliardina, upplýsir Hagstovan. </div><div><br></div><div>Verða skip og flogfør ikki tald við, er framvegis talan um vøkstur í innflutninginum samanborið við somu tíð í fjør. Vinnan hevur innflutt meiri tilfar og maskinur, men innflutningurin til húsarhaldsnýtslu er minkaður eitt vet. </div><div><br></div><div><b>156 mió. kr. meiri til tilfar</b></div><div><br></div><div>Fyrstu átta mánaðirnar innfluttu vit tilfar til ídnaðin fyri 758 milliónir kr. Tað eru 156 milliónir fleiri enn somu tíð í fjør. Innflutningurin til beinleiðis húsarhaldsnýtslu minkaði 10 milliónir, niður í 803 milliónir. </div><div><br></div><div>Brennievni er framvegis dýrt, og tað ávirkar eisini innflutningstølini. Vit hava innflutt brennievni fyri 884 milliónir í ár. Tað eru 109 milliónir fleiri enn í fjør</div><div><br></div><div><br></div>