Tollvaldið leitar ikki eftir vápnum og njósnaraútgerð

Í fjørheyst vildi politiski myndugleikin herða eftirlitið við russiskum skipum, tá breiður politiskur meiriluti var fyri at gera nýggja fiskiveiðuavtalu við Russland.

Men eftirlitið við russiskum fiskiskipum er ikki broytt stórvegis, sigur Birta Biskopstø, deildarstjóri á tolldeildini hjá TAKS, sum er eftirlitsmyndugleiki saman við VØRN.

At leita eftir vápnum ella njósnaraútgerð er als ikki á breddanum hjá tollvaldinum, tá ið stakroyndir vera gjørdar á russiskum skipum.

Hoyr innslag í útvarpstíðindunum: 

Sambært deildarstjóranum hevur tollvaldið ikki fingið størri játtan at herða eftirlitið, og tí er arbeiðsorkan tann sama.