- Tíðindi, mentan og ítróttur
Skulu svara hósdagin
Skulu svara hósdagin
Semingsstovnurin hevur lagt semingsuppskot fyri Flogskiparafelagið og Føroya arbeiðsgevarafelag
Semingsstovnurin er komin upp í sáttmálatrætuna millum Flogskiparafelagið og Føroya arbeiðsgevarafelag.
Mynd: Bjarni Árting Rubeksen
21.04.2023 - 11:19
Flogskiparafelagið og Føroya arbeiðsgevarafelag skulu svara Semingsstovninum á middegi hósdagin, um tikið verður av semingsuppskotinum, sum Semingsstovnurin gav pørtunum í gjárkvøldið.
Terje Sigurðsson, semingsmaður, sigur, at tíðin var búgvin í gjárkvøldið at lata pørtunum semingsuppskot.
Samráðingarnar millum flogskiparar og arbeiðsgevarafelagið, sum Atlantic Airways er í, slitnaðu fyri páskir, og Semingsstovnurin var boðsendur.
Semingsroyndin byrjaði týsmorgunin í síðstu viku.
Sáttmálin hjá flogskiparunum, sum var, kom í 2019. Hann vardi til 1.apríl í ár.
Men so leingi samráðingar eru, verður gamli sáttmálin brúktur.
Er kopiera
Nýggjastu sendingar í ÚV
Nýggjastu sendingar í SV
