Pumpuskipanin verður boðin út í heyst

Arbeiðið við pumpuskipanini í Vestmanna er nú komið so væl áleiðis, at verkætlanin verður boðin út í heyst. 

Tað sigur formaðurin í nevndini hjá SEV, Kári Johansen, í sambandi við, at orkufelagið hevur havt aðalfund í dag. 

Íløgan í pumpustøðina, sum við vindorku skal pumpa vatn niðan aftur í byrgingarnar oman fyri Vestmanna, verður mett at kosta 1,3 milliardir krónur. 

Stýrisformaðurin sigur soleiðis um, hvussu langt er komið við stóru verkætlanini í Vestmanna, og hvussu stendur til við rakstrinum hjá SEV:

Kári Johansen og Hákun Djurhuus

Kári Johansen. nevndarformaður, og Hákun Djurhuus, stjóri í SEV. (Mynd: Kári Mikkelsen)

Í ársfrágreiðingini hjá nevndini í SEV stendur, at ongantíð fyrr er so nógv varandi elorka framleidd í Føroyum, og fyri fyrstu ferð í fleiri ár minkaði elframleiðslan úr olju. 

Í 2022 høvdu 840 húsarhald gjørt av at fáa sær grønan málara, tí tey hava skift til hitapumpu ella heimløðistøð. 

1. januar í ár vóru 1106 elbilar í Føroyum og 12 almennar skjótløðistøðir.

Seinastu fimm árini hevur SEV gjørt íløgur fyri í miðal 314 milliónir krónur, og íløguætlanin í ár er 345 milliónir krónur.

Pumpuskipan Vestmanna

Frítekst tagging: 

SEV

Vestmanna

Pumpuskipanin hjá SEV verður mett at kosta 1,3 milliardir kr. (Mynd: SEV)