Norðmenn skulu ikki vænta sær føroyska skipan við tøkugjaldi

Norska alivinnan skal ikki vænta sær eina skipan við tøkugjaldi sum ta føroysku. 

Tað sigur norski stórtingslimurin, Geir Pollestad, sum júst hevur verið í Føroyum og kunnað seg um føroysku skipanina við tøkugjaldi.

Norska alivinnan skoytir ikki um ætlanina, sum stjórnin arbeiðir við, men vil heldur hava eina skipan, sum líkist tí føroysku, har hugt verður meira at søluprísinum.

Seinastu dagarnar hava norsku stórtinglimirnir Geir Pollestad úr Senterflokkinum og Mona Nilsen úr Arbeiðaraflokkinum verið á vitjan í Føroyum, har tey millum annað hava umrøtt norsku og føroysku skipanina við Høgna Hoydal, landsstýrismann.

Og sambært Geir Pollestad skulu norskir alarar ikki rokna við at fáa eina skipan sum ta føroysku.

Hoyr innslag í útvarpstíðindunum: