Arbeiðsloysið framvegis minni enn eitt prosent

Arbeiðsloysið í Føroyum er framvegis 0,8 prosent, bæði hjá kvinnum og monnum.

Í mars vóru 233 fólk fulltíðararbeiðsleys.

Arbeiðsloysið var bara 0,3 prosent í Eysturoynni í mars, men 2,2 prosent í Sandoynni, skrivar Hagstovan.  

Í dag eru 162 skrásett hjá ALS at vera arbeiðsleys.

498 fáa fiskavirksistuðul. 1237 fólk eru í fiskavirkisskipanini.

128 starvslýsingar eru á heimasíðuni hjá ALS.