Íslendingur 16 ára fongsulsrevsing fyri dráp

Í Íslandi er ein 21 ára gamal maður dømdur 16 ára fongsulsrevsing fyri dráp. 

Hann er dømdur fyri í juni í fjør at hava tikið granna sín av døgum, skrivar íslendska kringvarpið, RÚV.

Sambært ákæruritinum, drap 21 ára gamli maðurin grannan, tá hesin kom í íbúðina at klaga um larm. 

Teir endaðu í hornatøkum, og grannin fekk so álvarsligan skaða í høvdið, at hann doyði.

Verjin hjá manninum mælti til at døma mannin fyri óviljað manndráp og ikki fyri dráp.

Sambært vitnisfrágreiðingum, hevði 21 ára gamli maðurin sligið grannan í høvdið, eisini eftir at hann mistið vitið. 

Psykiatarar, sum vitnaðu í málinum, søgdu, at ungi maðurin hevði tørv á psykiatriskari hjálp. 

Pápin unga mannin hevði forðað honum í at verða útgreinaður fyri autismu, og í uppvøkstrinum var nógv misbrúk og umsorganarsvik. 

Maðurin er dømdur at rinda familjuni hjá manninum 13,5 milliónir íslendskar krónur í endurgjaldi. Tað svarar til 670.000 krónur, skrivar íslendska kringvarpið.