Atlantsflog varðveitir smidleika í sáttmálanum

Flogskiparar fáa smá átta prosent í lønarhækking næstu tvey árini, og Atlantsflog varðveitir ein ávísan smidleika/fleksibilitet í sáttmálanum, sum er ein fortreyt fyri at reka felagið.

Tað sigur Føroya Arbeiðsgevarafelag, sum eftir fráboðan um arbeiðssteðg, nú hevur skrivað undir sáttmála við Flogskiparafelag Føroya.

Við sáttmálanum, ið var undirskrivaður fyrrapartin, fer endalønin hjá einum flogskipara úr 86.500 krónum um mánaðin upp á umleið 93.500 krónur um mánaðin, 1.apríl næsta ár.

Og endalønin hjá einum stýrimanni fer úr góðum 57.000 krónum um mánaðin upp í umleið 62.000 krónur um mánaðin, umframt eftirløn.

Hoyr innslag í útvarpstíðindunum: