Umboðsmaðurin: Einki eftirlit við eldraøkinum

Í løtuni er einki eftirlit við eldraøkinum. 

Og tað er ikki nóg gott.

Løgtingsins umboðsmaður hevur sent Almannamálaráðnum skriv, har mælt verður verður til sum skjótast at gera reglur um eftirlit til kommunurnar at fyrisita eftir.

Umboðsmaðurin vísir á, at hóast tað í eldralógini er ásett, at kommunurnar skulu hava eftirlit við teimum tænastum, sum tær veita sambært eldralógini, er einki eftirlit skipað, síðan økið var lagt út til kommunurnar 1. januar 2015. 

Sí skrivið til Almannamálaráðið her.

Eldrarøkt, eldraøki, starvsfólk í eldrarøktini, starvsfólk á eldraøkinum

Eldraøkið var lagt út til kommunurnar at umsita í 2015, men enn eru ongar reglur gjørdar um eftirlit, sigur Løgtingsins umboðsmaður. (Savnsmynd)

Reglur vanta

Umboðsmaðurin metir, at vantandi reglur frá Almannamálaráðnum er orsøk til hesa støðu, og hevur  tí sent skriv til Almannamálaráðið, har hann mælir ráðnum til sum skjótast at gera reglur um eftirlit til kommunurnar at fyrisita eftir.

Í avtalunum, sum kommunurnar í 2014 sendu Almannamálaráðnum til góðkenningar, vístu kommunurnar á, at eftirlitið hjá kommununum verður skipað sambært galdandi lógum og reglum, ella eftir ætlaðu kunngerð sambært  grein 19, stk. 3 í eldralógini, sum er heimildin hjá landsstýrismanninum at áseta reglur um eftirlit. 

Almannamálaráðið hevur tó hvørki tá ella seinni lýst reglur um eftirlitið hjá kommununum.