Málráðið skal eftirmetast av nýggjum

Næsta heyst skal eftirmetingin um Málráðið leggjast fyri løgtingið.

Arbeiðsbólkurin skal vera liðugur við eftirmetingina 1.september.

Sirið Stenberg, landsstýriskvinna, hevur sett Helenu Kannuberg, forkvinnu í Málráðnum, og Randi Kúrberg, næstforkvinnu, í arbeiðsbólkin, og hevur biðið um, at Málráðið setur eitt umboð fyri Málráðið.

Skal vera 20 síður

Arbeiðsbólkurin skal svara, um lógin um málráð virkar eftir ætlan. Harumframt skal kannast, um til ber at áseta reglur um Málráð, Staðarnavnanevnd og Navnanevnd í somu lóg.

Frágreiðingin skal vera okkurt um 20 síður. 

Hon eigur at taka við sjónarmið hjá fyrrverandi forfólkum í Málráðum og viðkomandi samstarvspørtum. 

Ein frágreiðing um eftirmeting var skrivað í 2016. Hon var tó ongantíð løgd fram og kom ikki í løgtingið. 

Átta punkt í arbeiðssetninginum

Arbeiðsbólkurin, sum nú er settur, kann taka við upplýsingar úr henni, har tað verður mett viðkomandi.

Átta punkt eru í arbeiðssetninginum hjá arbeiðsbólkinum.

Millum annað skal hann lýsa, hvussu samstarvið er við Staðarnavnanevndina og Navnanevndina.