ÚSUN-studningurin allarhelst ikki skerdur kortini

Í vár boðaði landsstýrið frá, at ÚSUN-studningurin, sum verður latin lesandi uttanfyri norðurlond, fer at verða lagdur um til lán. Bjørn Kalsø, landstýrismaður í mentanarmálum, segði tó í Degi & viku í gjár, at ætlanirnar væntandi verða sleptar.

- Tað sær út til, sum støðan er nú, at eg tíbetur sleppi undan at gera hesa broytingina, ljóðaði tað frá Bjørn Kalsø. Hann legði tó afturat, at hann metir ikki, at tað hevði skatt nakran at lagt skipanina um.

Lesandi uttanfyri norðurlond kunnu fáa upp í 80.000 krónur um árið til skúlagjøld frá ÚSUN, men ætlanin hjá landsstýrinum var, at flytur mann ikki heimaftur innan fimm ár, skulu hesir pengarnir rindast aftur sum lán.

Holger Arnbjerg, leiðari á Altjóða skrivstovuni, segði eisini, ætlanirnar um at skerja stuðulin, sum hava verið frammi, longu hava havt tað ávirkan, at lesandi í ár hava hildið seg aftur við at fara út um norðurlond.