Náttúruverndarlógin tekur ikki støðu til gongd í haga

Meirilutin í rættarnevndini hjá løgtinginum leggur dent á, at nýggja náttúruverndarlógin tekur ikki støðu til málið um gongd í haga.

Lógin fer ikki at broyta støðuna og tær reglur um gongd í haga, sum eru galdandi í dag.

Eftir at hava viðgjørt lógaruppskotið á seks fundum hevur rættarnevndin skrivað álit.

Tað kom í løgtingið í gjár.

Umboðini hjá samgonguni og Sambandsflokkinum taka undir við uppskotinum.

Tey hava nógvar viðmerkingar, men einki broytingaruppskot.

Miðflokkurin og Fólkaflokkurin hava eisini viðmerkingar um uppskotið og mæla frá at samtykkja tað.