- Tíðindi, mentan og ítróttur
Venjingarskúlin vísir øllum aftur
<div>Skúlaleiðslan á Venjingarskúlanum í Havn vísir avgjørd aftur, at nakað skeivt er farið fram, tá hon noktaði trimum dreingjum í 9. flokki at sleppa við á námsferð til Íslands.</div><div><br></div><div>- Foreldrini kendu avleiðingarnar, men tóku sjálvi avgerð um at melda dreingirnar úr skúlanum og í Kommunuskúlan, sigur skúlastjórin, sum áður hevur noktað at gera viðmerkingar til málið. </div><div><br></div><div>Venjingarskúlin metti seg tí ikki at hava hvørki skyldur ella ábyrgd mótvegis dreingjunum, sigur skúlastjórin í svari til kæruna, sum útvarpið hevur fingið innlit í. </div><div><br></div><div><b>Mentamálaráðið viðger kæruna</b></div><div> </div><div>Poul Geert Hansen, aðalstjóri í Mentamálaráðnum, sigur, at svarið frá skúlastjóranum er sent foreldraumboðunum, men enn hevur Mentamálaráðið ikki tikið nakra avgerð í málinum. Mentamálaráðið fer fyrsta dagin at viðgera kæruna, sigur hann.</div><div><br></div><div>Støða skal eisini takast til, um Mentamálaráðið sjálvt skal viðgera kæruna. Foreldrini kærdu Mentamálráðið, tí ráðið, sambært foreldrunum, vísti fullkomið atgerðarloysi, og á ongan hátt royndi at loysa málið, tá tey vendu sær hagar við málinum. </div><div><br></div><div><b>Meiri verður at frætta í útvarpstíðindunum.</b></div>
