Toppfundur: Íslendingar geva løgmanni støðu sum stjórnarleiðara

Toppfundurin í Evroparáðnum byrjar seinnapartin í Reykjavík.

Ovast á dagsskránni er russiska innrásin í Ukraina, og í Reykjavík verður bíðað í spenningi etir, um ukrainski forsetin, Zelenskyj, eisini verður við á toppfundinum.

Aksel V. Johannesen, løgmaður, er partur av donsku sendinevndini, men íslendsku vertirnir hava givið honum støðu sum stjórnarleiðara, sigur Hallur av Rana, tíðindamaður, úr Reykjavík:

Hallur av Rana

Hallur av Rana fylgir toppfundinum í Reykjavík fyri Kringvarpið.

Hetta er bara fjórðu ferð í 74 ára gomlu søguni hjá Evroparáðnum, at stjórnarleiðararnir í limalondunum hittast. 

Á fundinum í Reykjavík vera 900 umboð fyri stjórnirnar í limalondunum og millum 300 og 500 miðlafólk.

46 lond eru limir Evroparáðnum.