Næstu dagarnir verða avgerandi fyri, um breið semja fæst

- Næstu dagarnir fara at vísa, um breið, politisk semja fæst um, hvørja støðu Føroyar skulu hava til samstarvið við Russland.

Tað sigur Bjarni Hammer, formaður í Uttanlandsnevndini, eftir samráð við landsstýrismannin fyrrapartin.

Uttanlandsnevndin hevur fyrrapartin viðgjørt frágreiðingina hjá landsstýrinum um føroyska samstarvið við Russland.

Við frágreiðingini er tilmæli um, hvat landsstýrið ætlar at gera við samstarvið.

Høgni Hoydal, landsstýrismaður í uttanríkismálum, var í ráðførslu, og við honum vóru eisini Dennis Holm, landsstýrismaður í fiskivinnumálum, og Aksel V. Johannesen, løgmaður.

Sambært Høgna Hoydal er semja í samgonguni um tað, sum landsstýrið ætlar.

Skal fiskivinnusamstarvið við Russland broytast ella steðgast, skal løgtingið samtykkja tað. Tí skal landsstýrismaðurin í løgtingið við lógaruppskoti um tað.

Hoyr samrøðu, sum Elin Winther Poulsen gjørdi við Bjarna Hammer, formann í Uttanlandsnevndini, í útvarpstíðindunum: 

Myndir: Bjarni Árting Rubeksen

Uttanlandsnevndin, Bjarni Hammer

Aksel V. Johannesen, Høgni Hoydal, Uttanlandsnevndin

Uttanlandsnevndin, Bjarni Hammer, Anna Rein

Uttanlandsnevndin, Annika Olsen

Uttanlandsnevndin, Bárður á Steig Nielsen

Uttanlandsnevndin, Jenis av Rana

Uttanlandsnevndin, Liljan Weihe

Uttanlandsnevndin, Sólvit E Nolsø

Uttanlandsnevndin, Jacob Vestergaard

Uttanríkis- og vinnumálaráðið, Herálvur Joensen Aðalstjóri, Elisabeth F. Rasmussen