Læknavaktin svarar framvegis á 1870

Læknavaktin fer framvegis at svara á telefon 1870, og tað ber eisini til at ringja á telefonnumrini, sum Kommunulæknafelagið hevur upplýst.

Men læknavaktin verður ikki longur staðsett á Landssjúkrahúsinum. 

Tað sigur Heilsutrygd í dag, nú Kommunulæknafelagið hevur boðað frá broytingum í læknavaktini í morgin, 1. juni.

Kommunulæknafelagið og Fíggjarmálaráðið hava samráðst um málið, men samráðingarnar bóru ikki á mál, sigur Heilsutrygd.

Heilsutrygd sigur, at læknavaktin svarar framvegis á telefon nr. 1870, og tað ber eisini til at ringja á tey telefonnummur, sum Kommunulæknafelagið hevur upplýst.

Í fyribilsskipanini verður altíð ein kommunulækni á vakt í meginøkinum. Skipan við koyrivakt heldur fram í Suðuroy og Sandoy.

Egil á Bø

Egil á Bø, stjóri í Heilsutrygd.

Læknavaktin verður ikki longur staðsett á Landssjúkrahúsinum, men har sum vakthavandi lækni er, sigur Heilsutrygd.

Hoyr samrøðu, sum Hallur av Rana gjørdi við Egil á Bø, stjóra í Heilsutrygd, í útvarpstíðindunum: