Beinir Johannesen: Vandi fyri at fiskiveiðisamstarvið heldur uppat

Beinir Johannesen, formaður í Fólkaflokkinum, heldur, at tiltøkini, sum landsstýrið ætlar at seta í verk móti Russlandi, kunnu hava við sær, at Russland slítur fiskiveiðisamstarvið við Føroyar, tí munur verður gjørdur á fiski, sum russar fiska undir Føroyum, og í altjóða sjógvi.

- Fyrsta stigið, sum landsstýrið tekur, kann eisini verða tað síðsta, sigur Beinir Johannesen. 

Hann heldur eisini, at vandi er fyri, at eftirlitið við russiskum skipum fer at vikna, tí tað er ein orsøk til, at russisku skipini koma í føroyskar havnir.

Beinir Johannesen sigur, at tað er óheppið, at støða ikki verður tikin til fiskiveiðisáttmálan við Russland í 2024 fyrr enn í heyst. Avgerðin eigur at verða tikin beinanvegin, heldur formaðurin í Fólkaflokkinum.

Hoyr samrøðu, sum Krista Johnsdóttir Kreutzmann gjørdi við Beinir Johannesen í útvarpstíðindunum: