- Tíðindi, mentan og ítróttur
Kommunan vil ikki yvirtaka alla skuldina
<div>Týskvøldið í farnu viku samtykti ein meiriluti í býráðnum í Klaksvík eitt broytingaruppskot frá Atla Justinussen úr Fólkaflokkinum, um at kommunan yvirtekur Badmintonhøllina og KÍ-høllina. </div><div><br></div><div>Samlaða skuldin í hallunum er 17,5 milliónir krónur, men sambært samtyktini skal býráðið fara undir samráðingar við Norðoya Sparikassa um at yvirtaka hallirnar fyri ein lægri kostnað. </div><div><br></div><div>Atli Justinussen vil ikki siga fyri útvarpinum, hvussu nógvar milliónir lægri kommunan við samtyktini er sinnað at yvirtaka hallirnar fyri. Men talan er um ein nakað lægri kostnað, sigur hann.</div><div><br></div><div><b>Avskriva ein part</b></div><div><br></div><div>Klaksvíkar kommuna ætlar, at Norðoya Sparikassi skal avskriva ein part av samlaðu skuldini. Tað merkir, at kommunan ikki setir seg fyri størri skuld enn tað, sum varð samtykt við broytingaruppskotinum týskvøldið. </div><div><br></div><div>Marner Mortensen, stjóri í Norðoya Sparikassa, vil ikki siga, um Norðoya Sparikassi er sinnaður at ganga ynskinum hjá Klaksvíkar kommunu á møti. Marner Mortensen sigur, at hann kennir ikki uppskotið, sum býráðið hevur samtykt, og tí vil hann ikki gera viðmerkingar til málið í løtuni.</div><div><br></div><div>- Talan er um ein samráðingarspurning, sigur hann. </div><div><br></div><div>Norðoya Sparikassi hevur enn ikki fingið nakra áheitan frá kommununi um samráðingar. </div><div><br></div><div><b>Meiri verður at frætta í útvarpstíðindunum.</b></div><div><br></div>
