- Okkum tørvar matmenning

- Okkum tørvar matmenning
Nú ber til at søkja um stuðul til at økja tilvitskuna um føroyska matframleiðslu.
"Okkum tørvar matmenning", sigur Høgni Hoydal, landsstýrismaður.
 
04.06.2023 - 10:43

Játtaðar eru 750.000 krónur til royndarverkætlanir, ið upplýsa um og gera heilsugóðan mat úr føroyskum rávørum og føroyskari framleiðslu í gerandisdegnum og í undirvísing.

- Okkum tørvar matmenning, sigur Høgni Hoydal, landsstýrismaður í vinnumálum, og vísir á rákið, sum er at flyta seg alt meira frá tí siðbundna og staðbundna matinum.

- Tíbetur er áhugin fyri stuttfluttum og heilsugóðum mati vaksandi, og hesum góða ráki vilja vit við hesi stuðulsskipan skunda undir.

Landsstýrismaðurin sigur seg vóna, at tað koma nógvar og ymiskar umsóknir um matverkætlanir í samstarvi við føroyskar veitarar.

Eitt nú kunnu dagstovnar, skúlar, bústovnar og ellis- og røktarheim søkja saman við lokalum framleiðarum, áhugabólkum og fakfólkum.

Málið er, at í minsta lagi tríggjar verkætlanir - og helst fleiri - verða framdar, og einki minstamark er fyri stødd á verkætlanum.

Freistin at søkja um stuðul frá vinnumálaráðnum er 22. august.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470