Fríkendur fyri neyðtøku

Føroya rættur frídømdi seinnapartin í gjár ein 27 ára gamlan mann, sum var ákærdur fyri at hava neyðtikið eina 22 ára gamla kvinnu millum jól og nýggjár í fjør.

Frídømdi maðurin noktaði seg sekan.

Hetta er annað málið um neyðtøku, síðani orðingin um samtykki kom í revsilógina.

Í fyrra málinum varð tann ákærdi eisini frídømdur.

Ákæruvaldið kravdi í minsta lagi hálvt árs treytaleysa fongsulsrevsing.

Dómsmenninir vóru ikki samdir um, hvussu maðurin skuldi dømast. Tveir dómsmenn frídømdu mannin, meðan hin triði helt, at maðurin var sekur í ákæruni.

Ákæruvaldið hevur ikki tikið støðu til, um dómurin verður kærdur.