Velja kommunustýri og skúlastýri samstundis

Hetta er fjórða ferðin, at skúlastýrini kring landið skulu mannast

Endamálið við skúlastýrinum er at styrkja foreldraávirkanina og samstarvið millum skúla og heim.

15.10.2012 - 10:37

<div>Val til skúlastýrini kring landið verður 13. november - sama dag, sum kommunuvalið verður. </div><div> </div><div>Hetta er fjórða ferðin, at skúlastýrini skulu mannast.  Allir fólkaskúlar, sama hvussu stórir ella smáir teir eru, hava skúlastýri. </div><div><br></div><div>Endamálið við skúlastýrinum er at styrkja foreldraávirkanina og samstarvið millum skúla og heim, og fáa foreldur við í arbeiðið at mynda virksemið í tí skúla, har børn teirra ganga. </div><div><br></div><div>Umframt hetta er uppgávan hjá skúlastýrinum at hava eftirlit við virksemi skúlans og ummæla og góðkenna árligu fíggjarætlanina. Í teimum stóru skúlastýrunum eru trý foreldraumboð umframt ein tiltakslimur, og í teimum smærru eru tvey foreldraumboð umframt ein tiltakslimur. </div><div><br></div>