Fyrireika endurnýgging av strandferðsluflotanum

Farið er undir at gera forkanningar, skitsur og aðrar fyrireikingar í sambandi við, at flotin hjá Strandfaraskipum landsins skal endurnýggjast.

Játtanin, sum higartil er sett av í 2024, er tó alt ov lítil til, at farast kann undir prosjektering.

Tað sigur Dennis Holm, landsstýrismaður, í svari til Karlot Hergeirsson, løgtingsmann, sum spurdi um sjóvegis flutningsskylduna hjá landinum.

Atløguviðurskifti eisini týdning

Umframt nýbygging hevur tað stóran týdning, at atløguviðurskiftini hjá ferjunum eru so góð sum gjørligt, sigur Dennis Holm.

Hetta noyðast bæði land og kommunur at taka til eftirtektar, sigur hann. 

Um veðrið sigur landsstýrismaðurin, at skiparar og stýrimenn hjá Strandferðsluni siga frá størri aldum seinastu trý árini.

Tó ikki so nógv størri, at tær bera í sær broytingar í váðametingunum.