- Tíðindi, mentan og ítróttur
Ritan tikin úr sigling
![](https://kvf.fo/sites/default/files/styles/grein-ovasta-mynd/public/0fcb5ca2ba34971b96069ddd7709bb86.png?itok=xlwlxSPd)
<div><div>Eingin sigling er til Svínoyar og Fugloyar í dag. Tá Ritan skuldi leggja at á Kirkju í morgun, fekk hon tekniskt brek.</div></div><div><br></div><div>Conrad Gaard Joensen, rakstrarleiðari á Strandferðsluni, greiðir frá, at Ritan bakkaði inn móti lendingini, sum hon plagar, men tá hon skuldi seta motorin á fram, varnaðist manningin, at brek var í umstýringini.</div><div><br></div><div>Maskinmaðurin var skjótur niður í motorrúmið at seta fulla ferð fram manuelt. Men tað var ov seint, og skipið tók í land.</div><div><br></div><div><b>Kanna skaðan</b></div><div><br></div><div>Ritan setti beina kós aftur móti Hvannasundi aftur, har skaðin nú verður kannaður. Kavari hevur verið niðri og kundi staðfesta, at annað róðrið er burtur. Eisini er skaði komin á aðra skrúvuna.</div><div><br></div><div>Conrad Gaard Joensen sigur, at vandi ongantíð var á ferð hjá ferðafólki og manning. Nú verður roynt at fáa Rituna upp á sleipistøð, so at skaðin kann umvælast.Enn er óvist, hvussu verður við siglingini til Svínoyar og Fugloyar næstu dagarnar.</div><div><br></div><div><b>Kemur illa við</b></div><div><br></div><div>Fyribils er Súlan tikin úr siglingini til Skúvoyar, so at hon kann gera ein túr til Svínoyar og Fugloyar í kvøld, sigur Conrad Gaard Joensen.</div><div><br></div><div>- Óhappið kemur ógvuliga illa við, tí vit eru mitt í slaktinum, og størri tørvur er á flutningi til nú enn vanligt. Men vit royna at finna eina loysn á støðuni, sigur Conrad Gaard Joensen.</div><div><br></div><div>Kunnað verður á heimasíðuni hjá Strandferðsluni, <b>ssl.fo</b>, so hvørt nýtt er at frætta.</div><div><br></div>