Makaskifti: Broyttu skeytið í evstu løtu

Ásetingin um at einki nýtt virksemi má vera á fløtuni framman fyri gamla studentaskúlan í Hoydølum, varð tikin úr treytaða skeytinum

Tórshavnar kommuna fekk í evstu løtuni strikað ein part í skeytinum um virksemi á fløtuni frammanfyri gamla studentaskúlan í Hoydølum.

Marjun Dalsgaard

22.06.2023 - 13:12

Tórshavnar kommuna fekk í evstu løtu steðga ætlanini um eina áseting í treytaða skeytinum í makaskiftinum, sum segði at einki nýtt virksemi má vera á økinum frammanfyri gamla studentarskúlabygningin, tá kommunan yvirtekur lendi.

Mentamálaráðið vildi hava eina avmarking galdandi fyri matrikkul 19 OG matrikkul 18 - tað vil siga lendið har gamli studentarskúlin stendir, og lendið har barakkin stendir, sum hýsir barnagarði í dag.

Men Tórshavnar Kommuna vildi bara hava avmarkandi ásetingina at galda fyri matrikul 18 - tað vil siga ikki fyri økið har gamli studentarskúlin stendir og tað petti av fløtuni frammanfyri, sum verður tikið uppí ognina, um økið verður ummatrikulerað.

Kommunan og Barna og útbúgvingarmálaráðið skrivaði undir treytaða skeyti tann 25. mai.

Hoyr innslag í útvarpstíðindunum:

22062023_Hoydalar