Býráðsnevndir arbeiða víðari við borgarakanning

Allar nevndirnar hjá býráðnum í Klaksvík mæla til at arbeiða víðari við uppskotunum í borgarakanningini, sum var gjørd í kommunununi í vetur.

Nevndirnar taka undir við, at fyrisitingin greinar og viðger úrslitini, og ger uppskot um raðfestingar, átøk og kostnaðarmeting.

1600 spurnarbløð vóru send fólki í kommununi, sum vóru 18 ár ella eldri. 786 svaraðu.

Endamálið var at fáa at vita, hvat fólk í kommununi halda um tænastur og raðfestingar hjá kommununi.