- Tíðindi, mentan og ítróttur
Politisk ósemja í Íslandi um at útseta hvalaveiðu
Politisk ósemja í Íslandi um at útseta hvalaveiðu
Sjálfstæðisflokkurin og Framsóknarflokkurin í stjórnini vilja hava, at avgerðin verður endurskoðað
Hvalaveiðan í Íslandi er útsett til 31. august, men Sjálfstæðisflokkurin og Framsóknarflokkurin í stjórnini vilja hava avgerðina endurskoðaða. (Savnsmynd)
28.06.2023 - 08:50
Ósemja er í íslendsku stjórnini um avgerðina hjá matvøruráðharranum at útseta hvalaveiðuna, sum skuldi byrja 21.juni, til 31.august, skrivar Morgunblaðið.
Sjálfstæðisflokkurin og Framsóknarflokkurin halda ikki avgerðina vera rætta. Hon skal endurskoðast, halda teir.
Men Katrín Jakobsdóttir, forsætismálaráðharri, tekur undir við floksfelaga sínum, sum er matvøruráðharrin.
Svandís Svavarsdóttir og Katrín Jakobdóttir eru í sama flokki, teimum vinstru-grønu.
Ráðharrarnir hjá Sjálfstæðisflokkinum og Framsóknarflokkinum siga, at avgerðin um útsetingina skuldi verið løgd fyri altingið.
Er kopiera
Nýggjastu sendingar í ÚV
Nýggjastu sendingar í SV
