Tríggir vilja vera havnarmeistari í Vági

Fleiri eru um boðið, nú nýggjur havnameistari skal setast í Vági.

Tá ið freistin at søkja starvið var úti sunnudagin, hevði Vágs kommuna fingið tríggjar umsóknir.

- Nú er feriutíð, so starvssetanin verður í fyrsta lagi avgreidd í august, sigur borgarstjórin í Vági, Bjarni Johansen.

Nýggi havnameistarin skal avloysa Hans Jacob Bech, sum eftir 18 ár í starvinum fer frá fyri aldur.