- Tíðindi, mentan og ítróttur
G! av bakkastokki í dýrdarveðri
G! av bakkastokki í dýrdarveðri
Hóast veðurforsøgnin hevur verið eitt sindur ivasom, so er sera gott veður í Syðrugøtu, nú tónleikurin byrjar á G!
13.07.2023 - 16:09
Beach Volley á Sandinum og fólk í hitapottunum. G! andin livir eins og áður í Syðrugøtu, nú G! festivalurin fer av bakkastokki klokkan 17.
Myndir: Bjarni Árting Rubeksen
Hitapottarnir, sum eru ein av fleiri ímyndum av G!, eru heitir og klárir at taka ímóti G!-gestunum.
Á Sandinum styttu fólk sær stundirnar, áðrenn tónleikurin skuldi byrja klokkan 17, við at spæla beach volley.
Hóast Grundin ikki er partur av G! festivalinum í ár, so er nógv við tað gamla. Eitt nú Hoyggjhúsið, sum øll árini hevur verið eitt kærkomið stað at keypa sær ein øl og okkurt til matna.
Í mun til tað, ið nógv halda, so er G! eisini ein familju festivalur, har nógv verður gjørt burturúr, at børnini skulu hava tað gott. Og so er Sandurin í Syðrugøtu eisini eitt natúrligt spælipláss.
Sandurin og havið er eisini eitt natúrligt spælipláss hjá ungum og vaksnum.
|
|
Er kopiera
