- Tíðindi, mentan og ítróttur
G!: Meistarligi Marius hugtók á Sandinum
G!: Meistarligi Marius hugtók á Sandinum
At føroyingar elska Marius fekst enn einaferð sjón fyri søgn um í bakandi sólin á Sandinum í Syðrugøtu í kvøld. Marius var enn einaferð meistarligur
14.07.2023 - 20:46
Marius Ziska situr í løtuni, kanska saman við Eivør, á føroyska popptindinum.
Konsertirnar fyrr í ár, tá Marius Ziska spældi fyri einum útseldum Norðurlandahúsi, søgdu sína greiðu søgu um, hvat føroyingar halda um Marius Ziska.
Føroyingar elska Marius Ziska, og fantastisku sangirnar, sum oddamaðurin í bólkinum, Hans Marius Ziska, skrivar saman við Hans Jacob Kollslíð.
Myndir: Bjarni Árting Rubeksen
"Marius Ziska er einasti føroyski bólkurin, ið eg bara skal hoyra, tá hann framførir," segði ein fjeppari á Sandinum, og hann var ikki einsamallur.
Sólin skein oman og niðan í Syðrugøtu, meðan Marius Ziska spældi eitt hitt fyri og annað eftir fyri stóru áhoyrarafjøldini á Sandinum.
Marius Ziska hevur nú so nógvar sangir og hitt, at hann hevði ikki fyri neyðuni at spæla "Nærveruna" á Sandinum á G!
Oddamaðurin í Marius Ziska er millum okkara allarbestu sangskrivarar.
Tað var ein sera vøkur løta á Sandinum saman við hjartanemandi sangunum hjá Marius Ziska.
Marius var enn einaferð meistarligur á Sandinum á G!
|
|
Er kopiera
