- Tíðindi, mentan og ítróttur
G!: Rørd heimstjørna bergtók í Gøtu kirkju
G!: Rørd heimstjørna bergtók í Gøtu kirkju
Røddin sveik, tá franski Yann Tiersen takkaði fyri seg í Gøtu kirkju eftir eina framúrskarandi og hugtakandi konsert
Yann Tiersen hevur ferðast kring heimin við sínum tónleiki, men hann var rørdur, tá hann takkaði fyri í Gøtu kirkju
Mynd: Anna-Laure Amayon
15.07.2023 - 18:19
Gøtu kirkja var stúvstappað við fólki, tá franski Yann Tiersen spældi konsert saman við føroyska bólkinum Orka.
Yann Tiersen er serliga kendur fyri at skriva filmstónleik til eitt nú filmarnar "Amélie" ella "Good Bye, Lenin!".
Serliga tónleikur til "Amélie" er kendur og er stroymdur hundraðtals milliónir ferðir.
Konsertin var bæði vøkur, rørandi og hugtakandi. Gøtu kirkja er eitt gott rúm til júst sovorðnan tónleik.
Hjá føroyingum var tað eisini ótrúligt aftur at hoyra tónleikin hjá bólkinum Orku.
Jens L. Thomsen, Ólavur Jákupsson og Kári Sverrisson stóðu uppi við altarið saman við Yann Tiersen og konu hansara, Emilie Quinquis.
Er kopiera
Nýggjastu sendingar í ÚV
Nýggjastu sendingar í SV
