Kommunan viðger byggiloyvi

Tvøroyrar kommuna fekk í farnu viku góðkenning frá Umhvørvismálaráðnum til broytingarnar í byggisamtyktini, so uppsjóvarvirkið Varðin Pelagic kann byggja út sum ætlað.

- Vit viðgera í løtuni umsóknina um byggiloyvi frá Varðanum Pelagic, og hon kemur fyri býráðið í síðsta lagi í august, tá ið regluligur býráðsfundur er, men kanska verður tað fyri ta tíð.

Tað sigur Kristin Michelsen, borgarstjóri á Tvøroyri, ið heldur hetta vera eitt skundmál, sum nógv tíð longu er brúkt uppá.

Kristin Michelsen

Kristin Michelsen er borgarstjóri í Tvøroyrar kommunu.

Gera umhvørvisárinskanning

Ólavur Bjarkhamar, rakstrarstjóri á Varðanum Pelagic, sigur, at Varðin Pelagic eisini skal gera eina umhvørvisárinskanning, og at tað arbeiðið er í gongd.

Hann væntar, at meginparturin av hesum árinum fer, áðrenn farast kann undir sjálva útbyggingina.

.