Landsbankin til viðgerðar í tinginum í dag

Øll fýra uppskotini, sum hava samband við málið um at avtaka Landsbankan, verða viðgjørd undir einum

Uppskotini, sum hava samband við málið um at avtaka Landsbanan, koma til viðgerðar í tinginum í dag.

11.10.2012 - 09:43

<div>Ætlanin hjá landsstýrinum at taka Landsbanka Føroya av sum stovn, og flyta virksemið til aðrar stovnar, fær fyrstu viðgerð í løgtinginum í dag.</div><div><br></div><div>Fýra uppskot, sum hava samband við málið, verða viðgjørd undir einum. Talan er um lógina um Búskaparráðið, um gjaldføris- og skuldarfyrisiting, um Arbeiðsmarknaðareftirlønargrunnin og at seta lógina um Landsbankan úr gildi.</div><div><br></div><div>Løgtingið fer eisini at hava fyrstu viðgerð av uppskotinum um at broyta lógina um lønarhæddaravgjald, og at arvaavgjaldið skal fara í landskassan.</div><div><br></div><div><b>Skrivligir fyrispurningar</b></div><div><br></div><div>Løgtingsfundurin byrjar kl. 9.30, og fyrst skal løgtingið taka støðu til, um Bjørn Kalsø skal svara tveimum skrivligum fyrispurningum frá Gunvør Balle, um sparingar og bygnaðarbroytingar í fólkaskúlanum og um skerjingina av Mentanargrunninum, Námi og av játtanini til tónleik og sang.</div><div><br></div><div>Framløga er eisini á skránni fyri tingfundin í dag.</div><div><br></div>