Fleiri skógareldar á Rhodos

Hitabylgjan heldur fram at herja í suðurevropa, og hetta hevur nú fingið ferðaskrivstovuna TUI at avlýsa ferðir til grisku oynna Rhodos.

TUI heldur fram at flúgva til Rhodos, men tað eru fleiri hotell, har tað ikki verður hildið ráðiligt at lata gestinar fara, orsakað av skógareldunum, sigur norski samskiftisstjórin í TUI, Anne Mørk-Løwengreen, við norsku avsísina Verdens Gang.

Tað eru fleiri skógareldar á Rhodos í løtuni, og tí eru fólk flutt burtur frá fleiri hotellum, har tað verður mett vandamikið at vera.

Fyri løtu síðani boðaðu ferðaskrivstovurnar Sunweb Danmark og Apollo í Noreg frá, at tey gevast at senda fleiri ferðafólk til Rhodos.