- Landbúnaðarpolitikkurin skal broytast

Vit skulu hugsa um heilsuna hjá klótuni, tá vit eta. Tað er boðskapurin í nýggju kostráðunum, sum norðurlond eru vorðin samd um. Tí skulu vit eta minni kjøt og meira grønmeti. Men vørurnar skulu eisini vera stuttfluttar. Tað siga heimsmálini hjá ST. Men enn liva Føroyar ikki upp til hetta.

Pætur Bærentsen, bóndi í Kaldbaksbotni, segði við útvarpið í gjár, at hann hevur roynt seg við grønmetisframleiðslu, men tað hevur ikki borið so væl til. Stuðulin til landbúnaðin er umleið 20 milliónir krónur um árið. Størsti parturin er til mjólkaframleiðslu, síðani stuðul til fóður, stuðul til kjøtframleiðslu, stuðul til ullavirkan og so framvegis. 800 túsund krónur eru játtaðar á fíggjarlógini til beinleiðis grønmetisframleiðslu, og so eru nakar smáar verkætlanarjáttanir afturat, so samlaði stuðulin er umleið 2 milliónir krónur.

Men tað er ikki bara peningur sum skal til. Landbúnaðarpolitikkurin skal eisini broytast, heldur Høgni Hoydal, sum hevur politisku ábyrgdina av landbúnaðinum í Føroyum.