Merktir hvalir ferðast suðureftir

Tað eru ikki bara fólk, sum í hesum døgum ferðast suðureftir. 

Tað gera teir fimm hvalirnir, sum vóru merktir í Sandavági mikudagin eisini, upplýsir Havnstovan. 

Teir fóru fram við Sandoynni og í Suðuroyarfjørð og haðani eystur um Suðuroynna, og nú eru teir komnir suður um Sumbiarstein.

Merktir hvalir

15 hvalir av einum bólki upp á um 40 hval vóru á vágni, harav teir 15 gjørdu landgongd.

Fimm av hesum fingu fylgisveinasendarar festar á hornið, og síðan varð øll grindin slept.