- Tíðindi, mentan og ítróttur
Merktir hvalir ferðast suðureftir
Merktir hvalir ferðast suðureftir
Teir fimm hvalirnir, sum vórðu merktir í Sandavági mikudagin, hava síðani svomið suðureftir, upplýsir Havstovan.
Hvalirnir, ið vóru merktir, vóru partar av einari grind, sum varð rikin inn á Sandavág, áðrenn hon varð rikin út aftur
24.07.2023 - 08:46
Tað eru ikki bara fólk, sum í hesum døgum ferðast suðureftir.
Tað gera teir fimm hvalirnir, sum vóru merktir í Sandavági mikudagin eisini, upplýsir Havnstovan.
Teir fóru fram við Sandoynni og í Suðuroyarfjørð og haðani eystur um Suðuroynna, og nú eru teir komnir suður um Sumbiarstein.
15 hvalir av einum bólki upp á um 40 hval vóru á vágni, harav teir 15 gjørdu landgongd.
Fimm av hesum fingu fylgisveinasendarar festar á hornið, og síðan varð øll grindin slept.
Er kopiera
Nýggjastu sendingar í ÚV
Nýggjastu sendingar í SV
