Landsstýrismaðurin hevur álit á stjóranum í SSL

Í síðstu viku kom fram, at tað vóru fleiri um boðið at keypa strandfaraskipið Hasfjord fyri meira enn tað, sum skipið varð selt fyri.

Millum annað vildi ein norskur keypari bjóða 1,6 milliónir norskar krónur fyri skipið, svarandi til eina millión og 66.000 danskar krónur.

Skipið varð selt fyri 410.000 krónur í okkara peningi. 

Eisini hevði ein danskur keypari bjóðað umleið 100.000 krónur oman fyri tað, sum skipið var selt fyri.

Dennis Holm, landsstýrismann í samferðslumálum, hevur álit á stjóranum á Strandfaraskipum Landsins, og er vísur í, at alt er farið rætt fram í sambandi við søluna av Hasfjord.