Heilsutrygd: Kommunulæknar kunnu arbeiða saman um eina viðtalu

Møguleiki verður nú hjá kommunulæknum at arbeiða saman um eina viðtalu.

Arbeiða fleiri læknar saman um eina viðtalu, ber til at hava minni arbeiðstrýst og arbeiðsbyrðu. 

Hetta hava læknar spurt um.

Tveir til tríggir um hvørja viðtalu

Teir hava spurt um starv við minni arbeiðstrýsti og arbeiðsbyrðu enn kommunulæknar hava nú.

Læknarnir kunnu sjálvir skipa arbeiðið sínámillum, og sostatt arbeiða niðursetta tíð. 

Hóskandi kunnu vera tveir ella tríggir læknar í hvørjari viðtalu.

Tilsøgn frá Heilsutrygd

- Tað ber til sambært sáttmálanum, at læknar hava samstarv um viðtalu, sigur Petur Martin Hansen, deildarleiðari hjá Heilsutrygd.

Heilsutrygd søkir eftir 10 kommunulæknum at byrja 1. oktober.

Umsóknarfreistin er mikudagin 23. august á middegi.